«ԱյԴի Բանկ» ՓԲԸ- ն փնտրում է փորձառու և մոտիվացված թեկնածուի, ով կմիանա բանկին որպես Ինստիտուցիոնալ հաճախորդների հետ աշխատանքների առաջատար մենեջեր, ստորև ներկայացված պարտականությունները կատարելու նպատակով։
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ
- ՀՀ ռեզիդենտ և ոչ ռեզիդենտ կորպորատիվ հաճախորդների ներգրավում, այդ թվում՝ միջազգային կազմակերպություններ, միջազգային կազմակերպությունների մասնաճյուղեր/ներկայացուցչություններ, օտարերկրյա հիմնադիրներ ունեցող ընկերություններ և ֆինանսական կազմակերպություններ
- Հաճախորդների բիզնես գործունեության, ֆինանսական հոսքերի և գործարքների վերլուծություն, նշված գործընթացներն իրականացնելու համար անհրաժեշտ փաստաթղթերի և տեղեկատվության հավաքագրում և համաձայնեցում շահագրգիռ ստորաբաժանումների հետ
- Հաճախորդներին բանկային պրոդուկտների, ծառայությունների և գործընթացների վերաբերյալ ֆինանսական խորհրդատվության տրամադրում
- Կորպորատիվ պրոդուկտների և ծառայությունների, մասնավորապես՝ պասիվների ներգրավմանն ուղղված (ավանդներ, հաշվի դրական մնացորդ, պարտատոմսեր) և կոմիսիոն եկամուտ գեներացնող (SWIFT փոխանցումներ, POS/VPOS, արտարժույթի փոխարկում) պրոդուկտների և ծառայությունների վաճառքի իրականացում, խաչաձև վաճառքի հնարավորությունների բացահայտում
- Գործող և նոր կորպորատիվ հաճախորդների հետ երկարաժամկետ համագործակցության/գործնական հարաբերությունների ձևավորում և զարգացում
- Հաճախորդների պորտֆելի շարունակական սպասարկում, առաջացող հարցերի և խնդիրների օպերատիվ կարգավորում և աջակցության ապահովում՝ համապատասխան ստորաբաժանումների հետ համագործակցությամբ
- Հաճախորդների կարիքների վերլուծության հիման վրա անհատական լուծումների մշակում
- Ստանդարտ պայմաններից շեղված պայմաններով համագործակցելու անհրաժեշտության դեպքում համապատասխան առաջարկների ներկայացում և համաձայնեցում շահագրգիռ ստորաբաժանումների հետ
ՊԱՀԱՆՋՎՈՂ ՈՐԱԿԱՎՈՐՈՒՄՆԵՐ
- Բարձրագույն մասնագիտական կրթություն
- Առնվազն 2 տարվա աշխատանքային փորձ համապատասխան ոլորտում
- Հայերեն, անգլերեն և ռուսերեն լեզուների գերազանց իմացություն
- Բանկային պրոդուկտների և ծառայությունների իմացություն
- Բանկային օրենսդրության և կարգավորումների իմացություն
- Համակարգչային գիտելիքներ, մասնավորապես՝ MS Excel-ի լավ իմացություն, LSBank ծրագրի և CRM համակարգի իմացությունը կդիտվի որպես առավելություն
- Հաղորդակցման և բանակցային հմտություններ
- Հաճախորդների ներգրավման և խաչաձև վաճառքի (cross-selling) հմտություններ
- Նախաձեռնողականություն, առաջնահերթությունների սահմանման և ժամանակի արդյունավետ կառավարման հմտություններ
- Միաժամանակ մի քանի առաջադրանք կատարելու կարողություն (multitasking)
- Մանրուքների նկատմամբ ուշադրություն
- Խնդիրներին արագ և արդյունավետ լուծում տալու կարողություն
- Թիմում արդյունավետ աշխատելու ունակություն
- Ճշտապահություն և պատասխանատվության բարձր զգացում
- Գործարար էթիկայի նորմերի իմացություն և կիրառում
ԼՐԱՑՈՒՑԻՉ ՏԵՂԵԿԱՏՎՈՒԹՅՈՒՆ
Փորձաշրջանի բարեհաջող ավարտից հետո Բանկն իր աշխատակիցներին առաջարկում է արտոնությունների լայն փաթեթ, մասնավորապես, բժշկական ապահովագրություն, պարգևատրման ճկուն համակարգ, սպորտակումբների ծառայություններից օգտվելու կորպորատիվ փաթեթ, արտոնյալ պայմաններով բանկային ծառայություններ և այլն:
ԴԻՄԵԼՈՒ
ԸՆԹԱՑԱԿԱՐԳԸ
Եթե ձեր գիտելիքները, մասնագիտական փորձն և որակավորումները համապատասխանում են վերը նշված հաստիքի պահանջներին և և դուք հետաքրքրված եք միանալու ԱյԴի Բանկի թիմին՝ անցեք հղումով: Հարցազրույցի կհրավիրվեն նախնական ընտրությունը անցած դիմորդները։
ԸՆԿԵՐՈՒԹՅԱՆ ՄԱՍԻՆ
«ԱյԴի Բանկը» հիմնադրվել է 1990թ.-ին «Անելիք Բանկ» անվանումով, իսկ 2018թ․ Հունիսի 4-ից Բանկը ներկայանում է «ԱյԴի Բանկ» անվանումով։ ԱյԴի Բանկի առաքելություն է լինել առաջին ընտրության Բանկ հաճախորդների համար որպես լավագույն նորարար Բանկ` հաճախորդներին տրամադրելով անհատական մոտեցմամբ արդիական թվային լուծումներ։ Բանկի մասին հավելյալ տեղեկատվության համար կարող եք այցելել Բանկի պաշտոնական կայքը https://idbank.am/
